Ротари Клуб Скопје – Исток и Црвен крст Берово воспостави официјално партнерство, преку потпишување Меморандум за соработка. Ова стратешко партнерство овозможува брзи и координирани акции, со цел ефикасно справување со итни ситуации и големи предизвици. Нашата заедничка мисија е да обезбедиме клучна поддршка за оние кои се столбот на заедницата во критични моменти.
Како прва заедничка иницијатива, РК Скопје Исток обезбеди значителна помош за пожарникарите кои храбро се бореа со неодамнешниот пожар кај Готен. Поддршка опфати набавка на витална опрема, материјали и логистика, со што им се овозможи на пожарникарите да ја извршуваат својата работа поефикасно и побезбедно. Дополнително, ова партнерство ќе овозможи и набавка на специјализирана опрема за Противпожарната служба во Берово, што ќе ја зголеми нивната оперативна подготвеност за идни интервенции.
Оваа соработка е моќен пример за тоа како обединета волја, организираност и солидарност можат да направат вистинска разлика. Со здружени сили, можеме да дадеме суштинска поддршка на оние кои го штитат нашиот живот и природа, демонстрирајќи ја моќта на заедништвото во одговор на најголемите предизвици.
